Die Kollega

Besluite

2010-02-11T11:00:00.000-08:00

Die kollega het nie veel woorde nie, slegs vergelykende syfers, rentekoerse, voorsienings, opgelope inkomste en belastingberekeninge. 2010 is op hierdie stadium 'n nagmerrie van werk en deadlines. Dit voel asof alles aan draadjies hang en ek het nie die nodige hulpbronne het om alles bymekaar te hou nie. Dit voel asof daar altyd slegs die volgende opsies gaan wees -
a) 'n suksesvolle loopbaan waar ek almal dazzle met my intelligensie en vernuf
b) 'n lewe waar daar liefde en vriende is
Hoe kies mens?

2010

2010-01-20T05:00:00.001-08:00

Hitte

2009-12-06T23:13:00.000-08:00

Ek is in Durban(vir werk, nog nie op vakansie nie) en ek het nog nooit in my lewe so warm gekry nie.

Chaos

2009-12-02T21:47:00.000-08:00

My kar is nooit vreeslik netjies nie, maar dinge het nou hand uit geruk. Die volgende is alles op hierdie stadium in my kar:

Al die studiemateriaal en handboeke vir 4 vakke.
15 Bonaqua waterbottels, almal met 'n klein bietjie water in.
Marie Claire & Runner's World tydskrifte.
Vele lee sigarette boksies.
2 Appels.
'n lank uitstaande biblioteek boek.

Ek is nie trots op myself nie.

Realiteit

2009-12-02T05:17:00.000-08:00

Toe ek 'n student was, was dit snaaks om broke te wees. Nou is dit glad nie snaaks nie, want ek kan nie meer vinnig my pa bel nie. Om groot te word het min voordele.

Uiteindelik

2009-11-12T21:50:00.000-08:00

Ek besef die laaste tyd dat ek eintlik gelukkig is. Hier is my redes:

Dinge gaan soveel beter by die werk.
Akademies is ek besig om to herstel wat ek amper vernietig het.
Ek deel 'n huis en 'n lewe met 'n goeie man wat ook die liefde van my lewe is.
Ek begin die naweek weer perdry.
Dit is amper Desember!!!!!!!!!!!!!!!!!

Risiko

2009-10-22T10:05:00.000-07:00

Ouditrisiko bestaan uit drie komponente:

Inherente risiko - die moontlikheid dat daar wesenlike wanvoorstelling mag wees.
Kontrolerisiko - die moontlikheid dat wesenlike wanvoorstelling nie verhoed of opgespoor sal word deur die entiteit se interne beheerstelsel nie.
Ontdekkingsrisiko - die moonlikheid dat die ouditeur se stawingsprosedures nie die wesenlike wanvoorstelling sal opspoor nie.

Al hierdie risiko's is ook algemeen in die alledaagse lewe. Ons wil almal wesenlike wanvoorstelling verhoed en ons het almal interne beheermaatreels in plek.

En dit is hoekom ek van oudit hou. I like to manage risk.

Genoeg

2009-10-15T06:46:00.000-07:00

Elke jaar, hier teen Oktober voel ek uitgeput, geiiriteerd, gefrustreerd, geweldadig, genadeloos, geknak deur nog 'n jaar. Hoe de donner behou 'n mens genoeg energie vir hierdie tyd van die jaar? Hoe hou jy jouself in om ander nie skade aan te rig nie?

Wens

2009-10-13T22:31:00.000-07:00

Al waarvoor ek wens is 'n jaar waar ek nie in die werk se toilette huil nie.

Inspirasie

2009-10-07T22:39:00.000-07:00

Na al die stap by Aardklop het ek besef dat my fiksheidsvlak op 'n all time low is. Nou stap ek elke dag na werk. Dit verg geweldig baie inspanning om nee te se vir die bank en ja vir die pad. Tog voel ek baie beter na die tyd. Terwyl ek stap motiveer ek myself met sulke nonsens:

Elke opdraande is ook 'n afdraande. Dit hang net af in watter rigting jy loop.

Diep.

Lamaria

2009-09-21T07:10:00.000-07:00

Ek ly vandag aan lamaria. Dit is wanneer jou hele lyf lam word van uitputting, stress en 'n tekort aan slaap. Lamaria is altyd die ergste op 'n Maandag. Lamaria is nie 'n grap nie.

Die Kollega se Afrikanerhart

2009-09-17T22:54:00.000-07:00

Iemand by die werk het vir my Bok van Blerk se nuwe CD gegee. Wat hierdie persoon die idee gegee het dat dit 'n goeie geskenk vir my is weet ek nie. Nou luister ek daarna in my kar(ek weet ek moes die versoeking weerstaan het) en besef my Afrikanerhart verskil van syne. Ek vind sy Afrikanerhart ontstellend, maar then again, die meeste Afrikaners ontstel my maar.

Oeps

2009-09-07T01:53:00.000-07:00

Nou net besef ek het 'n unisa opdrag vergeet (nie verpligtend nie, maar tel steeds 5 %) en nou voel dit vir my of my hele lewe uit beheer uit is. Ek voel onstabiel.

Donker gedagtes

2009-09-07T01:48:00.000-07:00

Vanoggend terwyl ek werk toe ry het ek gewens 'n trok ry oor my kar. Ek het genoeg emosionele insig om hierdie as 'n negatiewe gedagte te kan identifiseer. Ek het egter nie genoeg emosionele energie om met hierdie negatiewe gedagte te deel nie.

Die Kollega besef

2009-07-10T10:01:00.001-07:00

I'm ceasing to be interested in games I can't win.

So is dit nou

2009-06-19T12:13:00.000-07:00

Die probleem is nie dat die kollega nog nooit so ongelukkig was nie. Die probleem is dat die kollega wel al so ongelukkig was, en dat sy net die krag het hiervoor nie.

Die vraag is: verveeld of verslaaf?

2009-05-16T10:35:00.000-07:00

Daar is slegs twee moontlike uitkomste vir die meeste dinge in die kollega se lewe. Verveling of verslawing.

Die kollega onthou

2009-03-08T22:24:00.000-07:00

Vandag, tien jaar gelede, het die kollega besef die wereld is nie 'n wonderlike plek nie. Vandag, tien jaar gelede, het die kollega haar onskuld verloor. Die kollega onthou.

hoe dinge nou is

2009-01-28T10:01:00.000-08:00

Die kollega se kantoor is nou in Johannesburg. Die kollega sit vir ure in die verkeer en rook al die sigarette wat sy nou nie meer deur die dag kan rook nie. Die kollega werk in 'n ernstige, doelgerigte atmosfeer. Die kollega se kollegas werk vreeslik hard en praat nie juis nie. Die kollega se hare is nou elke dag reguit. Die kollega dra nou swart, wit, grys en grimering. Die kollega besef dat professioneel lyk net so belangrik is soos professioneel optree. Die kollega besef dit is elke vrou vir haarself. Die kollega is effe histeries. Die kollega drink haar derde glas wyn. Dit is 'n oerwoud hier buite.

Dit wat my dae draagbaar maak

2008-11-19T00:55:00.001-08:00

Dexter, Chuck, Prison Break, Greys, Gossip Girl, Big Bang Theory, Reaper, Heroes, Smallville, Ugly Betty, Private Practice, Samantha Who, ens.

Sug. What has my life become?

Ek sien 'n nuwe hemel kom; 'n aarde nuut en vry

2008-11-18T05:59:00.000-08:00

Daar is baie nuwe dinge in die kollega se lewe:

'n Nuwe werk - baie opwindend, veral die salaris wat aansienlik meer is.
'n Nuwe blyplek - ook baie opwindend, maar die kollega sien net nie kans vir al die nuwe admin wat dit nou ook gaan bring nie. Hoekom is geen proses ooit eenvoudig nie?
'n Nuwe kar - wel, soort van, dit is te ingewikkeld om te verduidelik.

Nuwe dinge is nuut en opwindend en lekker en @#%@^# stresvol.

Die klein Chinese slafie

2008-11-11T05:17:00.000-08:00

Daar is baie dinge wat moontlik 'n mens se lewe kan verander. Die meeste van hierdie dinge sal egter nie naastenby soveel verandering bring soos wat aanvanklik verwag is nie. Om te wens en te hunker na hierdie dinge is 'n mors van kosbare tyd wat baie meer produktief aangewend kan word. Daar is egter een ding wat die kollega vir 'n feit weet haar lewe onomkeerbaar sal kan verander, en dit is 'n klein Chinese slafie.

Hy of sy (geslag is nie belangrik nie) sal daar wees om daardie take te verrig wat geen breinkrag verg nie, maar tog soveel tyd neem. Koffie maak, finansiele state druk en bind, fotostate maak, waterbottels hervul, my laptop elke oggend opstel, vir my gesonde maaltye voorberei. Aangesien hy/sy klein gaan wees kan hy/sy sommer onder die trap woon. Daar is meer spasie as wat daar in China is (dit is hoe ek my gewete sal sus).

'n Klein Chinese slafie sal my lewe verander.

Die kollega kners op haar tande

2008-10-27T06:10:00.000-07:00

Alles en almal is deesdae 'n irritasie en daar is min mense waarvan die kollega regtig hou. En as iemand weer noem dat almal maar hierdie tyd van die jaar so voel, gaan die kollega hul met meubels en toebehore (wat oor 6 jaar afgeskryf word) gooi.

Wat as jy eendag nie van jou kinders hou nie? As hulle jou grensloos irriteer? Wat dan?

Beter nuus - die eksamens is oor en na ure kan die kollega darem nou weer 'n glas wyn drink om die senuwees te streel.

chaos

2008-10-17T04:09:00.000-07:00

ijjdslksaCKSNC iaweiuPQIWPaio iqwp[ OP[Ofsdkjkajkdksdl
Pa'dop js dfp SFIOSJPOFOD dIAOPISKPASKjufjdfvj
jkdffisujf ijwaiQJDO JHIFJFJVDCJVkfdfjfvkcjvj

dit is hoe die kollega se kop huidiglik raas.

'n Lig gaan vir die kollega aan

2008-10-15T07:48:00.000-07:00

Die kollega is nie mal, depressief of psigoties nie. Die kollega is net moeg, oorwerk en uitgeput.

Die kollega omhels haar meer destruktiewe kant

2008-10-02T03:08:00.000-07:00

Die kollega se lewe voel leeg en doelloos. Daar is niks, daar is niemand, net die ewige soeke na dit wat nie te vinde is nie. Die kollega wonder of dit nou maar is hoe dinge gaan wees, want hoe word ‘n lewe weer vol? Die kollega is moeg, die kollega is hartseer, die kollega is sonder enige energie en ergste van alles, die kollega het nie ‘n plan nie. Die kollega het altyd ‘n plan. Nou is die kollega planloos en moedeloos.

(Some feelings are just such a part of who you are, that no matter what your life is presently like, at some point you will inevitably feel the old feelings again. It is impossible for feelings to disappear, they merely become dormant and secretely wait for an opportunity to arise once more. They are mostly gone, but never completely. I see this in everyone around me. It is the only truth I can see clearly.)

Die kollega het soms Engelse gedagtes.

Belasting op Toegevoegde Waarde

2008-09-29T23:54:00.000-07:00

Bogenoemde hou die kollega redelik besig.

Niks is soos dit moet wees nie

2008-09-21T23:04:00.000-07:00

In die kollega se perfekte wereld gaan niemand ooit weg nie.

'n Tyd vir 'n tand

2008-09-16T22:08:00.000-07:00

Die kollega kan aan meer geriefliker tye dink vir 'n verstandtand om sy verskyning te maak.

En die kollega word bang...

2008-09-16T07:02:00.001-07:00

Die kollega en Zet was Vrydag albei in dieselfde dorp daar net voor Durban. Vir die kollega was dit 'n normale werksdag met bates, langtermyn lenings en stawende dokumentasie. Zet en al sy Zetters was daar om te hoor wat sy toekoms vir hom gaan hou. Die kollega is bang vir min dinge, maar terwyl sy na die opgewonde massas kyk was sy vir 'n oomblik bang vir dit wat die toekoms vir hierdie land hou.

Ek wandel in die lig...

2008-09-04T07:44:00.000-07:00

Daar is geen natuurlike lig in kantore nie. Kantore maak mense siek, uitgeput en moeg. Kantore gaan nog ons ras uitwis. Kantore was 'n slegte idee. Die kollega haat kantore.

Ontsteltenis

2008-08-25T01:24:00.000-07:00

Die kollega besef sy is eintlik baie konserwatief. Dit is al wat die naar, hol kol kan verduidelik en die diepe teleurstelling.

Blou

2008-08-14T03:08:00.000-07:00

Die kollega besef dinge is effe uit beheer uit, maar weet nie wanneer daar weer tyd en energie gaan wees om iets daaraan te doen nie.

Hierdie wete maak die kollega net meer depressief. Dit is 'n blou dag.

Beduidende Invloed

2008-08-05T01:11:00.000-07:00

Die kollega wens vir meer as slegs 'n belegging in 'n geassosieerde.

Agtergrond

2008-08-01T03:26:00.000-07:00

Niemand berei jou voor op die dag wat jy begin werk nie. Niemand vertel jou hoe moeg en gestress jy gaan wees nie. Niemand noem hoe absoluut oninteressant jy gaan word nie. Dan een dag besef jy, jy is nou net die kollega. Dis al.

Onderdruk

2008-07-31T04:32:00.000-07:00

Soms is net die liggaam bewus van die spanning... dit is een ding wat hierdie jaar die kollega geleer het.

Ekwilibrium

2008-07-29T07:07:00.000-07:00

Drie sigarette. Drie koppies koffie. Die kollega is gereed vir nog 'n dag.