Ontsteltenis

Die kollega besef sy is eintlik baie konserwatief. Dit is al wat die naar, hol kol kan verduidelik en die diepe teleurstelling.

Blou

Die kollega besef dinge is effe uit beheer uit, maar weet nie wanneer daar weer tyd en energie gaan wees om iets daaraan te doen nie.

Hierdie wete maak die kollega net meer depressief. Dit is 'n blou dag.

Beduidende Invloed

Die kollega wens vir meer as slegs 'n belegging in 'n geassosieerde.

Agtergrond

Niemand berei jou voor op die dag wat jy begin werk nie. Niemand vertel jou hoe moeg en gestress jy gaan wees nie. Niemand noem hoe absoluut oninteressant jy gaan word nie. Dan een dag besef jy, jy is nou net die kollega. Dis al.